Monday, November 13, 2017

ගිටාර් පාඩම අංක 1 - පාවිච්චි කරපු ගිටාර් එකක් තෝරා ගන්නා විදිය.

මගේ යාලුවෙක් හිටිය ගිටාර් ගහන්න ගොඩක් ආසයි. ඉතින් ඩයල් එක සල්ලි ටිකක් එහෙම හොයාගෙන ගියා ගිටාර් එකක් ගන්න. කොල්ල පොඩ්ඩක් මහන්සි වෙලා දෙයක් හොයාගන්න එහෙම කම්මැලී. මේක කරපු වැඩේ කෙලින්ම ගියා මොරටුවේ Yamaha එකට ගිටාර් එක ගන්න. හවස් වෙලා මූ එනවා මූණ දෙක කරගෙන.

මොකෝ බන් වෙලා තියෙන්නේ මූණත් නරක් කරගෙන මොකෝ උනේ.

නෑ බන් Yamaha එකට ගියා ගිටාර් එකක් ගන්න. වැඩක් නෑ බන්.

ඒ මොකෝ,

පට්ට ගණන් බන් ගිටාර්. ඔව්ව ගන්න ජොබ් දෙකක් වත් කරන්න වෙයි. හැබැයි කොල්ලෝ පට්ට ගිටාර් ටිකක් තිබ්බ එතන. ගිටාර් ටික නම් දිලිසෙනවා. පට්ට ඩිසයින් තියෙන ස්ටිකර් ටිකකුත් අලවල තිබ්බ.

සද්දේ එහෙම කොහොමද ගිටාර් වල.

ගහල බැලුවේ නෑ බන්. ලස්සන ගිටාර් වල ගණන් අහල අවා. ඒ ගිටාර් ටික මාර ගණන්. ඔක්කොම තිස්දාහෙන් උඩ මගේ අතේ තියෙන්නෙත් දහදාහයි.

උඹ මහා මෝඩයෙක් බන් ලස්සන බලල කොහොමද ගිටාර් ගන්නේ. සද්දෙනේ බලන්න ඕනේ. හෙට ලෑස්ති වෙයන් මන් ගිටාර් එකක් හොයල දෙන්නම්.

ඔන්න ඉතින් මන් මගේ අතිජාත මිත්‍රයවත් එක්කගෙන පහුවදා ගියා ගිටාර් එකක් හොයාගෙන. හැබැයි කියලමයි එක්කගෙන ගියේ ලස්සන ගිටාර් නම් හම්බෙන්නේ නෑ හැබැයි සද්දේ ලස්සන නියම ගිටාර් එකක් සෙට් කරන්නම් කියල.

අපේ ගෙවල් පැත්තේ තැන් දෙකතුනක්ම තියෙනවා ජපානෙන් බඩු ගෙන්නන. ඉතින් මමයි යාළුවයි දෙන්න ලැස්ති වෙලා ගියා ඒ වගේ ජපන් බඩු ගෙන්නන තැනකට. එතන තියෙනවා ගිටාර් පෝලිමට තියල. හැබැයි ඉතින් Yamaha එකේ වගේ නෙමෙයි ගිටාර් වල කම්බි එහෙමත් නෑ දුවිලි තට්ටු 2 වගේ තියෙනවා. මකුළු දැල් එහෙම පොඩ්ඩයි තියෙන්නේ එව්වා වල. මේක දැකපු යාළුවගේ මූන දැක්කම කියන්න වචන නෑ ඒ තරම් සුන්දරයි.

දැන් තමයි කොහොමද හොඳ ගිටාර් එකක් හොයාගන්නේ කියන පාඩම යාලුවට මම කියල දුන්නේ.

මුලින්ම කරන්න ඕන දේ තමයි ඇද වෙච්ච නැති ගිටාර් එකක් හොයාගන්න එක. ගිටාර් එකේ බොක්ස් එක පැත්තේ කෙළවරෙන් කෙලින්ම බැලුවම හොයාගන්න පුළුවන් ඇද වෙලාද නැද්ද කියල. ඊට පස්සේ බලනවා ගිටාර් එකේ බොක්ස් එකට හානි වෙලාද කියල ගොඩක් වෙලාවට මෙහෙම තැන්වල ගිටාර් වල බොක්ස් එකට තමා හානි වෙලා තියෙන්නේ මොකද කිසිම පරිස්සමක් නැතුව එහෙමෙහෙ වද්දනවනේ ගිටාර් එක මේ වගේ තැන්වල වැඩ කරන අය. බොක්ස් එක හරි නම් ගිටාර් එකේ Arm එක බොක්ස් එකට සෙට් වෙන තැනයි Arm එකයි කම්බි සෙට් වෙන කෑල්ලයි ගාව පුපුරලා පලුදු වෙලා තියෙනවද කියල බලන්නේ. ඒ දෙක  හොඳට තියෙනවනම් ගිටාර් එක 50% ගන්න සුදුසු මට්ටමක තියෙනවා.

දැන් කරන්න ඕනේ ගිටාර් එකට කම්බි ටික දාල Tune කරන එක. ( වැඩේ දන්න නිසාම කම්බි සෙට් එකයි Tuner එකයි ගෙදරින්ම අරන් ගියේ ) Tune කරද්දී අපි ටිකක් පරිස්සම් වෙන්න ඕනේ මොකද ගොඩක් වෙලාවට ගිටාර් වල දිරුම් තිබිල බොක්ස් එක Arm එක ඇද වෙනවා වගේ දේවල් ඒ වෙලාවට වෙන්න පුළුවන්.

ගිටාර් එක Tune කරගත්තට පස්සේ ඉතින් පොඩ්ඩක් ගහල බලන්න තමා තියෙන්නේ. ගහල බලද්දී හොඳට බලන්න ඕනේ කම්බි ගිටාර් ෆ්රේට් වල වදිනවද වෙනකොහෙහරි කම්බි වැදිලා වෙන වෙන සද්ද එනවද. එහෙම නැත්නම් කම්බි ටික ෆ්රේට් බෝඩ් එකත් එක්ක ඕනවට වඩා උඩින්ද තියෙන්නේ කම්බි අල්ලන්න අමාරුද, කියන දේවල් ඔක්කොම බලන්න ඕනේ ඔය වෙලාවේදී.

දැන් තමා අන්තිම සහ වැදගත්ම එක. ඒ තමයි ගිටාර් එකේ සද්දේ. හැමෝටම තමන්ට රුචි හඬක් තියෙනවා. එත් මේ වෙලාවේදී බලන්න ඕනේ ඇත්තටම ගිටාර් එකකට ගැලපෙන සද්දයක් එනවද කියන එක. ගොඩක් ගිටාර් වල එන්නේ නිකන් ටකරන් සද්දයක්. ඉතින් එහෙම ටකරන් සද්දයක් එන්නේ නැති ගිටාර් එකක් තාම කොහොම හරි හොයාගන්න ඕනේ.

මේ ඔක්කොම කරාට පස්සේ 100% ම ගිටාර් එක ගන්න සුදුසුයි.

ගොඩක් ජපන් පරණ බඩු විකුණන තැන්වල තියෙනවා හොඳ ගිටාර්. ඒ ගිටාර් වල ගාණත් 6000 – 10000 අතර වෙනවා. ගාන මුලින් බලල ගිටාර් තෝරනවද එහෙම නැත්නම් ගාන බලල ගිටාර් එක තෝරනවද කියන එක නම් ඔයගොල්ලන්ගේ වැඩක්.

අපිනම් මුලින් 8000 – 10000 අතර තිබ්බ ගිටාර් ටික අරගෙන කලින් කිව්ව පිළියම් ටික කරලා ගිටාර් එකක් තෝරගත්ත. වාසනාව තිබ්බොත් ලස්සන ගිටාර් එකක් හොයාගන්නත් පුළුවන්.


මගේ යාළුවා අන්තිමට 8000 කට Moris ගිටාර් එකක් අරගෙන මට පින් දිදී ගෙදර ගියා. හැබැයි මේ වදකාරයා ගිටාර් එක අරගෙන නැවතුනේ නෑ. කම්බි දාන හැටියි ගිටාර් එක ප්ලේ කරන හැටියි ඔක්කොම ඉගනගත්තේ මගෙන් ඒ කතා ටික ඉස්සරහට දාන පෝස්ට් වලින් බලාපොරොත්තු වන්න.

9 comments:

  1. බොක්ස් ගිටාරය කියන්නෙ ගහන්න බැරි වුණාටටාහන් ඉන්න මන් කැමතිම සංගීත භාණ්ඩයක්....

    ReplyDelete
  2. බොක්ස් ගිටාර් කියන්නේ නියම භාණ්ඩයක් තමා...

    ReplyDelete
  3. Nice presenting way. All the best and thanks.

    ReplyDelete
  4. superb article , ඉතිං අපිටත් ක්ලාස් එකක් කරන්න බැරිද

    ReplyDelete
    Replies
    1. පුළුවන් පුළුවන් ඉස්සරහට දාන පෝස්ට් වලින්.

      Delete
  5. බුරුමයට ගිය ගමන මතක්වෙන්න ගත්තු බොක්ස් ගිටාරයේ දුවිලි පිහිදාලා අතට අරගත්තා ගිටාර් පාඩම් මාලාවක් දානකම් බලාගෙන ඉන්නවා.

    ReplyDelete